Lærar - Nordbygda skule

Om stillinga

Masfjorden kommune søker etter lærar i 100% mellombels stilling frå og med dags dato og ut skuleåret 2025/2026, med arbeidsstad ved Nordbygda skule.

Arbeidsoppgåver

• Undervisning i klasse og mindre grupper 
• Undervisning på ulike trinn og i fag etter behov ved skulen – for tida på mellomtrinnet
• Samarbeid med kollegaer og i team med vekt på å styrkje læringa til elevane og å utnytte og vidareutvikle kompetansen i personalet 
• Samarbeid med føresette og eksterne instansar 
• Aktiv deltaking i utviklingsarbeid ved skulen 

Me søker

• Me søker etter lærarar med godkjent fagleg og pedagogisk utdanning etter opplæringslova. Søkarar med anna relevant utdanning kan òg bli vurderte
• Ønskjeleg med kompetanse i spes.ped, kroppsøving, naturfag
• Du har god skriftleg og munnleg framstillingsevne 
• Du er ein tydeleg og trygg vaksen 
• Du har interesse for, og engasjement i, å arbeide med barn og unge 
• Du kan inspirere, motivere og engasjere elevane 
• Du har kompetanse i bruk av IKT

Vurdering av kandidatar og tilsetting vert gjort fortlaupande.

Anna

• Tenestespråket i Masfjorden kommune er nynorsk 
• Tilsetjing etter gjeldande lover, føresegner og avtalar 
• For tilsetjing i skulen vert det stilt krav om politiattest 
• Frå 2026 vil du få sletta 25 000 kroner av studielånet ditt når du har budd 1 år i Masfjorden kommune. 25 000 kroner blir sletta for dei som oppfyller vilkåra kvart år til ein har betalt ned heile gjelda. Les meir om den nye ordninga her

Slik søkjer du: 
Søk elektronisk via "Søk stillinga" på denne sida.

Masfjorden kommune

Masfjorden kommune ligg midt i Vestland fylke og grensar til kommunane Gulen og Høyanger i nord og Modalen og Alver i sør.

Kommunen er eit eldorado for friluftsinteresserte, med øyar og holmar, skog og fjell, eit unikt turterreng, og gode fiske- og jaktvilkår. Kulturlivet er allsidig med svært aktive lag og organisasjonar. 

Besøk vår hjemmeside